Saturday, 4 October 2014

సెప్టెంబరు 2014 మాసంలో తెవికీలో తెలంగాణ ప్రాజెక్టు ప్రగతి విశ్లేషణ

  • సెప్టెంబరు 2014 మాసంలో తెలంగాణ ప్రాజెక్టు పరిధిలో కొత్తగా 10 వ్యాసాలు సృష్టించబడ్డాయి. ఇందులో 4 వ్యాసాలు వ్యక్తులకు సంబంధించినవి కాగా 2 వ్యాసాలు అభయారణ్యాలకు చెందినవి. 
  • జిల్లాల వారీగా పరిశీలిస్తే మహబూబ్‌నగర్ జిల్లా, వరంగల్ జిల్లాకు చెందిన చెరో 3 వ్యాసాలు, మెదక్, నిజామాబాదు, హైదరాబాదుకు చెందిన ఒక్కో వ్యాసము, మరో ఇతర వ్యాసం సృష్టించబడ్డాయి.
  • సభ్యుల వారీగా చూస్తే R.Karthika Raju చే 4 వ్యాసాలు, Naidugari Jayanna మరియు వైజాసత్య లచే చెరో 3 వ్యాసాలు సృష్టించబడ్డాయి. 
  • మహబూబ్‌నగర్ జిల్లాకు సంబంధించిన వందలాది గ్రామ వ్యాసాలలో ఖాళీవిభాగాలు తొలగించడం, వ్యాసాలను శుద్ధిచేయడం, సమాచారం చేర్చడం జరిగింది.
తెలంగాణకు సంబంధించిన మరిన్ని వ్యాసాలు సృష్టించబడడానికి, ఉన్న వ్యాసాలలో సమాచారం వృద్ధిచేయడానికి ఆసక్తి ఉన్నవారు తెలుగు వికీపీడియాలో చేరి రచనలు ప్రారంభించండి.

Thursday, 20 February 2014

తెలుగు వికీపీడియాలో రికార్డు సృష్టిస్తున్న తెలంగాణ వ్యాసం


తేది 18-02-2014 నుంచి తెలుగు వికీపీడియాలో "తెలంగాణ" వ్యాసం అత్యధిక వీక్షణలతో రికార్డులు సృష్టిస్తోంది. తెలుగు వికీపీడియాలోనే అత్యంత నాణ్యతతో, తగిన మూలాలతో, అవసరమైన చిత్రాలతో, తాజాకరణతో కూడి, నా స్వంత విజ్ఞాన సర్వస్వము మరియు అనేక వనరుల నుంచి సేకరించిన సమాచారంతో రూపొందిన తెలంగాణ వ్యాసాన్ని చూడండి. మరింత సమాచారంకై, ఇంకొంత నాణ్యతకై సహకరించండి.

Sunday, 16 February 2014

తెవికీ కృషి ఎందరిది ?

తెలుగు వికీపీడీయా ఒక స్వేచ్ఛా విజ్ఞానసర్వస్వము. అంటే ఎవరైనా ఉపయోగించుకోవడమే కాకుండా ఎవరైనా సమాచారం కూడా చేర్చగలిగేది అన్నమాట. అలాంటప్పుడు ఇంతవరకు జరిగిన తెవికీ కృషి అందరిది అనే భావన తప్పకుండా వస్తుంది. మరి అది సరైనాదేనా? అనే సందేహమూ రావచ్చు! ఒక్కో అంశాన్ని పరిశీలిద్దాం-

దిద్దుబాట్లు:
వ్యాస సమాచారంలో జరిగిన దిద్దుబాట్లను పరిశీలిస్తే డిసెంబరు అంతానికి 3.36 లక్షల దిద్దుబాట్లు జరిగాయి (బాటులు కాకుండా). వీటిలో 61% దిద్దుబాలు కేవలం 10 సభ్యులచే మాత్రమే జరిగింది. తెవికీలో సభ్యత్వం తీసుకున్న వారు 34000+ కాగా, కనీసం ఒక్క దిద్దుబాటైనా చేసిన వారు 3664, కనీసం 5 దిద్దుబాట్లు చేసినవారు 642 సభ్యులు మాత్రమే. 100+ దిద్దుబాట్లు చేస్నవారు 130 మాత్రమే. అంటే తెవికీలో చేరిన సభ్యులలో కృషిపరంగా చూస్తే అందులో చాలా కొద్దిమంది మాత్రమే దిద్దుబాట్లలో పాల్గొంటున్నారన్నమాట! అయితే కేవలం దిద్దుబాట్ల సంఖ్య ప్రకారమే ఈ కృషిని మనం బేరీజు వేయలేము. ఒక్క దిద్దుబాట్లు చేసే చోట పదుల సంఖ్యలో దిద్దుబాట్లు చేసిన వారున్నారు, అలాగే ఒక్క దిద్దుబాటుతో కూడా పెద్ద సమాచారం పెట్టినవారునారు. అలాగే దిద్దుబాట్ల ద్వారా వ్యాసానికి సంబంధం లేని సమాచారం, బాటుద్వారా చేర్చగలిగే సమాచారం పెట్టిన సభ్యుల దిదుబాట్లు కూడా గణాంకాలలో చేరాయి.

వ్యాస నాణ్యత:
తెవికీకి అతి ప్రధానమైనది వ్యాస నాణ్యత. చాలా సభ్యులు వ్యాస సమాచారానికి మాత్రమే ప్రాధాన్యత ఇచ్చి నాణ్యతను గుర్తించడం లేదు. గత కొద్ది సంవత్సరాలలో తెవికీ వ్యాసాల నాణ్యత తగ్గడం వల్ల పాఠకుల ఆదరణ తగ్గిపోయింది! నాణ్యత అంటే వ్యాసంలోని వాక్యాల కూర్పు మాత్రమే కాదు, అంతకంటే ముఖ్యమైనది వ్యాసానికి సంబంధించి పనికి వచ్చే సమాచారం, దానికి మూలాలు, పలు వనరుల నుంచి సేకరించిన సమాచారం మరియు ఎప్పటికప్పుడు తాజాకరణ. కాని చాలా వ్యాసాలు ఎప్పుడో వ్రాసినవి మళ్ళీ ఎవరూ పట్టించుకోవడం లేదు. దీనితో వ్యాసాలలో తాజాకరణ ఉండటం లేదు. పాఠకులకు సమాచారం ఇవ్వకపోవడం కంటే తాజాకరణ లేని సమాచారం అందుబాటులోఉంచడమే పొరపాటు!

ఆ వ్యాసాలను ఎందరు చూస్తున్నారు?
కొందరు వ్రాసిన కొన్ని వ్యాసాలు చూస్తే ఇప్పటి పరిస్థితుల దృష్ట్యా ఇలాంటి వ్యాసాలు అవసరమేనా? అనే సందేహమూ వస్తుంది. ఇక్కడ ఎవరైనా, ఏ వ్యాసమైనా, తమకు నచ్చిన వ్యాసాన్ని వ్రాసుకోవచ్చు (నిబంధనలు ఉల్లంఘించనంతవరకు) కాని సంవత్సరాలైననూ ఒక్క వీక్షణ కూడా అలాంటి వ్యాసాలను సృష్టించడం వృధాగానే పరిగణించవలసి వస్తుంది! విశేషమేమంటే ఇలాంటి పరిస్థితుల్లో కూడా మళ్ళీ వీక్షణలు లేని వ్యాసాలనే మళ్ళీమళీ కొందరిచేత సృష్టించడం జరుగుతోంది. గణాంకాల పరంగా దిద్దుబాట్లు సంఖ్య పెరగవచ్చు కాని ఇలాంటి వ్యాసాలవల్ల తెవికీ నాణ్యత మాత్రం పెరగదు.

దారిమార్పులు:
తెవికీలో దారిమార్పులే సుమారు 18000 వేలున్నాయి. అంటే ఆ సంఖ్య దిద్దుబాట్లు కూడా గణాంకాలలో చేరియున్నాయి. అందులో చాలా వరకు అనవసరమైనవే. కొన్ని వ్యాసాలకు పదుల సంఖ్యలో దారిమార్పులున్నాయి. విశేషవ్యాసమైతే ఫర్వాలేదు కాని వీక్షణలు లేని వ్యాసాలకు కూడా దారిమార్పులు ఉండటం వృధానే!

కాపి సమాచారం:
సాధారణంగా కాపి సమాచారం పరిమాణం పెద్దదిగానే ఉంటుంది. అది పత్రికల నుంచి కాపీ చేసినది కావచ్చు, అంతర్జాలంలో లభ్యమైన ఇతర వనరుల నుంచి కావచ్చు, చివరకు బ్లాగుల నుంచీ కావచ్చు కూడా. విశేషమేమంటే తెవికీ వ్యాసాల నుంచే కాపీచేసి సృష్టించిన అతిపెద్ద వ్యాసాలూ మనవద్ద ఉన్నాయి! (దీన్ని వ్యాసాల సంకలనం అనాలేమో!) కొందరు సీనియర్ సభ్యులకు కూడా ఇలాంతి విషయాలపై అవగాహన లేదు!


Monday, 3 February 2014

జనవరి 2014 మాసంలో తెవికీలో తెలంగాణ ప్రాజెక్టు ప్రగతి విశ్లేషణ

జనవరి 2014 మాసంలో తెవికీలో తెలంగాణ ప్రాజెక్టు ప్రగతి విశ్లేషణ

  • జనవరి 11, 2014న ప్రారంభమైన తెలంగాణ ప్రాజెక్టు మాసాంతానికి అంటే 20 రోజులలో 26 వ్యాసాలు కొత్తగా సృష్టించబడ్డాయి. ఇందులో 22 వ్యాసాలు వ్యక్తులకు సంబంధించినవి, 2 కోటలకు, 2 రైల్వేస్టేషన్లకు సంబంధించినవి.
  • జిల్లాల వారీగా చూస్తే నల్గొండ జిల్లాకు చెందిన 7 వ్యాసాలు, మహబూబ్‌నగర్ జిల్లా, హైదరాబాదు జిల్లా మరియు ఆదిలాబాదు జిల్లాకు చెందిన వ్యాసాలు 4 చొప్పున, కరీంనగర్ మరియు వరంగల్ జిల్లాకు చెందిన వ్యాసాలు 3 చొప్పున, నిజామాబాదు జిల్లాకు చెందిన ఒక వ్యాసం కొత్తగా ప్రాజెక్టు పరిధిలో చేరాయి. రంగారెడ్డి, మెదక్, ఖమ్మం జిల్లాలకు చెందిన ఒక్క వ్యాసంకూడా కొత్తగా చేరలేదు.
  • సభ్యులవారీగా పరిశీలిస్తే అత్యధికంగా ప్రణయ్‌రాజ్ 9 వ్యాసాలను సృష్టించగా, నేను (సి.చంద్రకాంతరావు) 7 వ్యాసాలను, నాయుడిగారి జయన్న 3 వ్యాసాలు, వైజాసత్య 2 వ్యాసాలు, భాస్కరనాయుడు 2 వ్యాసాలు, వెంకటరమణ, రహంతుల్లా, ఈగల్ ఒక్కో వ్యాసాన్ని సృష్టించారు.
  • 26 వ్యాసాలలో 19 వ్యాసాలు ప్రాజెక్టు సభ్యులు సృష్టించగా, మరో 7 వ్యాసాలు ప్రాజెక్టులో సభ్యులు కాని వారిచే సృష్టించబడ్డాయి

Saturday, 1 February 2014

జనవరి 2014లో తెవికీలో ఎలాంటి వ్యాసాలు వచ్చాయి?

జనవరి 2014 మాసంలో తెలుగు వికీపీడియాలో సుమారు 500 వ్యాసాలు కొత్తగా చేరాయి. సంఖ్య బాగుగ్నే కనిపిస్తున్ననూ ఇందులో నాణ్యమైన వ్యాసాలు కొద్దిమాత్రమే ఉన్నాయి. ప్రతిమాసం వచ్చినట్లు కాపీ వ్యాసాలు, తెవికీ నాణ్యతకు సరిపడని వ్యాసాలు ఎక్కువ సంఖ్యలోనే సృష్టించబడ్డాయి. వ్యక్తుల వ్యాసాలు అధికంగానే చేరిననూ వీటిలో చాలా వ్యాసాలు చిన్న వ్యాసాలే. లోకసభ సభ్యులకు సంబంధించిన వ్యాసాలు కూడా అధిక సంఖ్యలో చేరాయి.

మొత్తంపై జనవరి 2014లో వచ్చిన వ్యాసాలలో ముఖ్యమైనవి : భాగ్యరెడ్డివర్మ , యెండెల లక్ష్మీనారాయణ, అలిశెట్టి ప్రభాకర్, చెన్నమనేని హన్మంతరావు, రావాడ సత్యనారాయణ, మాదరి భాగ్య గౌతం, ‎కడియం శ్రీహరి, ‎కిషోర్ చంద్ర దేవ్, బద్దం బాల్‌రెడ్డి, భీమిరెడ్డి నరసింహారెడ్డి, రమేష్ రాథోడ్, బద్దం నరసింహారెడ్డి, జి.నరసింహారెడ్డి, అంజుమ్‌ చోప్రా, ‎ఎస్.టి.జ్ఞానానంద కవి, సి.మాధవరెడ్డి, బోళ్ళ బుల్లిరామయ్య, బీరం మస్తాన్‌రావు, చెన్నమనేని రాజేశ్వరరావు.

ఫిబ్రవరి మాసంలోనైననూ సభ్యులు నాణ్యతతో కూడిన వ్యాసాలు సృష్టిస్తారని ఆశిద్దాం.

Thursday, 23 January 2014

డిసెంబరు 2013 మాసపు తెవికీ గణాంకాలు

డిసెంబరు 2013 మాసపు తెవికీ గణాంకాలు పరిశీలిస్తే తెవికీ చరిత్రలోనే రికార్డు స్థాయిలో దిద్దుబాట్లు జరిగినట్లు తెలుస్తోంది. ముఖ్యంగా 100కు పైగా దిద్దుబాట్లు చేసిన సభ్యుల సంఖ్య ఈ మాసంలో 20గా నమోదైంది. గత రికార్డు అయిన ఫిబ్రబరి 2008 మాసపు 16 సంఖ్య కంటె ఇది 25% అధికం. కొత్త సభ్యుల సంఖ్య (5+ దిద్దుబాట్లు చేసిన వారు) ఈ మాసంలో 28 గురు కొత్తగా చేరారు. ఫిబ్రవరి 2008 నాటి 45తర్వాత ఇది రెండో అత్యధికం. 5+ దిద్దుబాట్లు చేసిన సభ్యుల సంఖ్యలో కూడా ఫిబ్రవరి 2008 మాసపు 102 తర్వాత ఇది రెండో అత్యధికం.

అలాగే మొత్తం దిద్దుబాట్ల సంఖ్యలో చూస్తే సుమారు 18వేల దిద్దుబాట్లు ఈ మాసంలో జరిగినట్లు తెలుస్తుంది. గత కొన్ని మాసాలలో పోల్చి చూస్తే ఈ సంఖ్య గణనీయంగ పెరినట్లు చెప్పవచ్చు. జనవరి 2008 మాసపు 32వేల దిద్దుబాట్ల తర్వాత సెప్టెంబరు 2006 మాసముతో కలిపి ఈ మాసం సంయుక్తంగా రెండో స్థానంలో నిలిచినట్లయింది. వ్యాసాల సంఖ్యలో కూడా రోజుకు సరాసరిన 24 కొత్త వ్యాసాలు చేర్చబడి మొత్తం వ్యాసాలు 55 వేల మార్కుకు చేరింది. సెప్టెంబరు 2007 తర్వాత రోజు సరాసరిన పాతిక వ్యాసాలు తెవికీ రావడం ఇదే ప్రథమం.

వ్యాసాపు పేజీలలో 250+ దిద్దుబాట్ల గణాంకాలు

వ్యాసాపు పేజీలలో 250+ దిద్దుబాట్లు చేసిన సభ్యులు
సభ్యుడు    దిద్దుబాట్లు
  • YVSReddy
  • Srirama murthy
  • Rajasekhar1961
  • Pavan santhosh.s
  • Sulthan Khader
  • Bhaskaranaidu
  • Kvr.lohith
  • C.Chandra Kanth Rao
  • Veera.sj
  • Ahmed Nissar
  • T.sujatha
  • 4,984
  • 1,765
  • 1,367
  • 1,213
  • 860
  • 651
  • 557
  • 464
  • 455
  • 311
  • 283


సభ్యుల వారీగా దిద్దుబాట్లు పరిశీలిస్తే 2500 దిద్దుబాట్లలో ఈ మాసం కూడా వరసగా ఒక సంఖ్య నమోదైంది. 11 సభ్యులు 250+ దిద్దుబాట్లు చేయడం, 27 సభ్యులు 25+ దిద్దుబాట్లు చేయడం కూడా తెవికీ చరిత్రలోనే రికార్డుగా చెప్పవచ్చు. సభ్యుడు YVSREDDY చేసిన 4,984 దిద్దుబాట్ల సంఖ్య మరో తెవికీ రికార్డునే సృష్టించింది. గతంలో తాను చేసిన రికార్డునే మరోసారి అధికమించడం జరిగింది. అంతేకాకుండా ఒకే సారి 3 స్థానాలు ఎగబాకి తెవికీలో అత్యధిక వ్యాసపు దిద్దుబాట్లు చేసినవారిలో రెండోస్థానంలో నిలిచారు.

Sunday, 12 January 2014

తెలుగు వికీపీడియాలో "తెలంగాణ ప్రాజెక్టు" ప్రారంభం

జనవరి 11, 2014 నాడు తెలుగు వికీపీడియాలో "తెలంగాణ ప్రాజెక్టు" ప్రారంభించబడింది. కొద్దిరోజుల క్రితమే తెలంగాణ పోర్టల్ ప్రారంభం కాగా ఇప్పుడు దీనికి సంబంధించిన ప్రాజెక్టు ప్రారంభమైనదని తెలియజేయుటకు సంతోషిస్తున్నాను. తెలంగాణకు చెందిన 10 జిల్లాలలోని గ్రామాలు, మండలాలు, జిల్లా వ్యాసాలు, ప్రముఖులు, పర్యాటక ప్రాంతాలు, నియోజకవర్గాలు, చారిత్రక కట్టడాలు, సంస్థానాలు, రైల్వేస్టేషన్లు తదితర వ్యాసాల పరిస్థితి మరియు కొత్తగా చేరిన వ్యాసాలు, కృషిచేస్తున్న సభ్యులు తదితర సమాచారం ఈ ప్రాజెక్టు ద్వారా ఎప్పటికప్పుడు తెలుసుకోవడమే కాకుండా ఈ ప్రాజెక్టుకు సంబంధించిన వ్యాసాల అభివృద్ధికి, ఈ ప్రాజెక్టులో కృషిచేస్తున్న సభ్యులకు తగిన గుర్తింపు ఇవ్వడానికి ఇది దోహడపడుతుంది. ఈ ప్రాజెక్టు విషయంలో మరిన్ని సలహాలు, సూచనలకు సదా ఆహ్వానం. ఈ ప్రాజెక్టులో ఎవరైననూ ఏ అంశంపైన అయిననూ తమకు తెలిసిన విషయాలను చేర్చవచ్చు, తాము తీసిన బొమ్మలను అప్లోడ్ చేయవచ్చు, ఉన్న వ్యాసాలలో మార్పుచేర్పులు చేసి నాణ్యత పెంచవచ్చు, తాజాకరణ చేయవచ్చు. ఈ ప్రాజెక్టులో కృషిచేసే వారి గురించి ఎప్పటికప్పుడు సమాచారం పోందవచ్చు.

Wednesday, 8 January 2014

తెవికీ నవంబరు 2013 మాసపు గణాంకాలు

తెలుగు వికీపీడియాలో నవంబరు 2013లో కొత్తగా 5గురు సభ్యులు (5+ దిద్దుబాట్లు చేసినవారు) చేరారు. దీనితో మొత్తం సభ్యుల సంఖ్య 613కు చేరింది. ఈ మాసంలో 5+ దిదుబాట్లుచేసిన సభ్యుల సంఖ్య 37 కాగా, 100+ దిద్దుబాట్లు చేసిన వారు 13. 100 కంటె అధికంగా దిద్దుబాట్లు చేసినవారు ఒక మాసంలో రెండంకెలు ఉండటం ఇది వరసగా నాలుగవ సారి. ఇది తెవికీ చరిత్రలోనే రికార్డు. ఈ మాసంలో రోజుకు సరాసరిన 13 కొత్త వ్యాసాలు సృష్టించబడ్డాయి. 11/2013లో దాదాపు 13వేల దిద్దుబాట్లు జరిగాయి.



సభ్యుల వారీగా దిద్దుబాట్ల సంఖ్య చూస్తే ఈ మాసం కూడా సభ్యుడు YVSREDDY 3,437 దిద్దుబాట్లతో తొలిస్థానంలో నిలిచారు. సభ్యుడు శ్రీరామమూర్తి 2,264 దిద్దుబాట్లతో రెండోస్థానంలో ఉన్నారు. వీరిద్దరూ తెవికీ దిద్దుబాట్ల ర్యాంకింగులో ఒక్కో ర్యాంకు పైకెక్కి 5, 10వ స్థానాలకు చేరారు. నేను (C.Chandra Kanth Rao) 1,046 దిద్దుబాట్లతో 3వ స్థానంలో, T.sujatha (786), Palagiri (720), Rajasekhar1961 (643) తర్వాతి స్థానాలలో నిలిచారు.

Thursday, 2 January 2014

2013లో తెవికీకి ఎందరు చూశారు?

2013 సంవత్సరంలో తెవికీకి మొత్తంపై 28.3 మిలియన్ల హిట్లు నమోదైనాయి. తమిళ వికీతో పోలిస్తే ఇది 42% మాత్రమే. 28.8 మిలియన్లు హిట్లు జరిగిన 2012 సం.తో పోల్చిననూ ఇది కొంత తక్కువే. జూలై మాసంలో గరిష్టంగా 2.9 మిలియన్ల హిట్లు జరిగాయి. తమిళ వికీలో ఒక మాసంలో జరిగిన కనిష్ట హిట్లు (4.2) కంటే ఇది తక్కువగా ఉంది. తెవికీ చరిత్రలోనే గరిష్ట హిట్లు (4.5) నమోదైన మాసం ఫిబ్రవరి 2010 కంటే తమిళ వికీలో ప్రతిమాసపు ఎక్కువే ఉంది. 2013లో హిందీ వికీ సరాసరి వీక్షణలు 9.2మి.గా ఉంది. మలయాళం వికీ సరాసరి కూడా మనకంటే అధికంగానే (3.9) ఉంది. మన వీక్షణలు పెరగాలంటే వ్యాసాలలో నాణ్యత పెరగడమే కాకుండా పాఠకులు ఎలాంటి వ్యాసాలకై సందర్శిస్తున్నారో పరిశీలించి అలాంటి వ్యాసాలపై కృషిచేయవలసి ఉంటుంది.